قبل ماتش الجزائر 14/11 (ورغم استفزاز الجمهور الجزائرى والصحافة الجزائرية للمصريين ) كنت بتضايق لما حد مننا بيرد عليهم بنفس الاسلوب او بيهاجم الجزائر كشعب لاننا برضو بينا اخوة وكنت بقول مش ماتش كورة هنخسر بعض بسببه
لكن بعد اللى حصل فى السودان واننا رغم الخسارة اعتدوا علينا بالبلطجية بتوعهم
واللى يغيظ اكتر انهم يقولوا ان احنا اللى بدأنا الحرب النفسية والاعتداءات كمان (مع ان موضوع الحرب الاعلامية ده يعتبر ماركة مسجلة باسمهم)
دلوقتى انا رجعت فى كلامى وصدقت ان كل كلمة اتقالت كانت صحيحة (مع اعتذارى للشعب الجزائرى الغير متعصب واللى اكيد فى منه كتير ومش موافق على اللى حصل ده) بس اللى اتعمل فينا صعب نسكت عليه وكفاية اوى انهم يحرقوا او يدوسوا على علم مصر وانهم يقولوا علينا يهود
بس حتى لو هما صدقوا نفسهم العالم كله عارف ان احنا اللى انتصرنا على اليهود
|
فى الاول عايزة اقولك مبروك على المدونه ومعلش متأخرة شويه
بالنسبه لموضوع مصر والجزائر بصراحه اللى انا مستغربه ليه اكتر رد الفعل ان احنا مالقناش رد فعل مناسب من حكومتنا او حكومه الجزائر على الاقل ترد فيها كرامه المصريين اللى اتهانوا فى الخرطوم
واللى ضايقنى اكتر بقى كلام احمد منصور فى جريده _الشروخ_ انه سمى المصريين بالقطيع
وموضوعه اللى كتبه عن يوم السبت اللى كسبنا فيه الجزاير ( 2_0) قال عنه اليوم الاسود
يلا بقى خلينا ننسي شويه ونفرح بالعيد بقى
كل سنه وانتى طيبه يا منى
وعيد سعيد
اهلا بيكى يا سالى
بجد نورتى المدونة وتعليقك فرحنى اوى
بالنسبة لموقف الجزائر اللى زعلنى اكتر ان كل حاجة معمولة بتخطيط من الحكومة الجزائرية مش مجرد مشجعين وخلاص
وكمان سابوا شركاتنا اللى هناك يتعمل فيها اللى حصل ده من غير حماية
وموقف حكومتنا قلقنى اوى لما منعرفش ناخد حقنا من الجزائر
الدول التانية هتعمل فينا ايه
وبالنسبة لاحمد منصور كانت اشاعات كعادة الشروق ونفى الكلام ده
عندك حق
وانتى طيبة يا قمر ويارب يكون عيد سعيد عليكى
وبجد تعليقك نورك المدونة
مساء الخير
مدونه جميله
كل عام وأنتي بخير
ينعاد عليج بالصحه والعافيه يارب *
عسى ايامكم كلها عيد :)
Faith شكرا على مرورك
نورتى المدونة
وانتى بخير يارب ويكون عيد سعيد عليكى
أقصوصة:
امين احنا وكل المسلمين يارب
شكرا لمرورك
نورتى المدونة
السلام عليكم
انا معاكم ان المصريين اتهانوا بس هنتهان اكتر لما عدونا يشمت فينا يعني اسرائيل شمتانه فينا اننا وقعنامع اخواتنا اللي المفروض اننا نبقي عرب وايد واحده
هما هيبدوا يوقعوا بينا واحنا نتشغل بكده وننسي ان المسجد الاقصي بيحفروا تحته وممكن نقوم من النوم لاقيه لاقدر الله مهدوم
وده رايي واختلاف الراي لا يفسد للود قضيه
انا معاكى يا سجود واكيد مش ماتش كورة اللى هنخسر اخواتنا العرب بسببه انا كنت بتكلم عن المجموعة اللى عملوا الشغب لكن احنا هنفضل امة واحدة
ويارب الموضوع ده يكون حاجة تفوقنا وتجمعنا تانى ونقدر ننقذ الاقصى
شكرا لتعليقك
نورتى المدونة
السلام عليكم
انا مش عايزة اقول راىى بس عايزة اقولك اية اللى جه فى بالى
اللى حصل بينا وبين الجزائر مستحيل يكون سببه متش كورة اللعبه اكيد مع الحكومات والا ازاى حكومه تسمح لنفسها انها تشرف على حاجة زى كدة
تانى حاجة اننا كعرب متفرقين اصلا وان كنا ظاهريا بنحاول نخبى دا بس طبعا لازم ناخد موقف بعيد عن الشعوب زى موضحتى
الاهم اننا وقت جلد الاطباء فى السعودية متحركناش وعرفنا اننا شعب ملهوش كرامه بره بلدنا ولا حتى جواها
اللى نرفزنى فعلا رد احمد منصور واللى انا مش فاهمة هل هو بيحابى لجزيرة بحكم انها متكلمتش عن واقعة مهمة زى كدة واتكلمت عن ادعاء اننا ضربنا الاتوبيسات بتاعتهم ولا يقصد حاجة تانى
اسفة طولت عليكى بس انا نفسى مرة باخد قرار حكيم حازم
يا ريت يا بنوتة
وبالنسبة اننا متفرقين انا شايفة ان ممكن ده يكون بين الحكومات لكن احنا كشعوب لا
شكرا يا قمر
نورتى البوست
لكن للأسف
هما اللى راحوا كاس العالم
بعد ما ادونا على قفانا
واحنا
كالعادة سكتنا
يلا خلهم يشبعوا بيه
لما نشوف هيعملوا ايه مع المجموعة اللى وقعوا فيها
شكرا blue-wave
نورت المدونة
فقط مررت من جديد على مدونتك لأقول أني سعيد بأطروحات بصف عامة وبتوجهك نحو بسط الأمل في التفوس
مرورك شرف ليا
ويارب اقدر اعمل ده من خلال المدونة بجد