انا كنت محتارة ابدأ بايه فى المدونة بس امبارح وانا ماشية مع صحابى شفت فوانيس رمضان وفرحت اوى لما لقيت فوانيس المفتش كرومبو.. كانت اشكالها حلو اوى.. وقلت اخيرا حد مصرى عملنا حاجة بتاعتنا وكلنا بنحبها وكفاية بقى الفوانيس الصينى واهو نعمل حاجة بنفسنا ونريح الصين شوية (مش عارفة ايه السذاجة اللى كنت فيها دى)بس بصراحة مكنتش مصدقة نفسى اوى بس حاولت اقنعها ان دى صناعة مصرية بجد وقلت يعنى الصين هتعرف كرومبو منين او اننا بنحبه لكن المفاجأة لما بصيت ع الفانوس ولقيت الجملة المعتادة (صنع فى الصين)بصراحة ضحكت عليا عشان اتخيلت اننا ممكن نعمل حاجة بس برضو لسة عندى امل ان حاجة تتغير ونعمل حاجة
|
يا منون كله صنع فى الصين وقال ايه شجع منتجات بلدك ها هاها هى هى هى هو هو هو عزيزى العميل مبروك اشتراك فى خدمة زغززغنى شكرا
زغزغنى اكتر فرصتك فى الفوز تكتر ههههههههههههههههه
كرومبو كرومبو .......لا حول ولا قوة الا بالله
اه والله يا بنتى
كفاية اننا بنشجعها فى الاتصالات والمسابقات
ممكن نلاقى مسابقات صينية بعد كده وهما اللى يستفادوا من دى كمان
انا سمعت انهم هيعملوا فضائية صينية باللغة العربية
خلاص مش فاضل حاجة
طيب بالله عليكى بقى .. اعمل بنصيحتك وباسم مدونتك واتفائل ازاى .....!
انا والله فى الاول تخيلت فعلا انه مصرى .. بس افزعتينى يابنتى لما قولتى طلع صينى ( مع انى كنت عارف انه هيطلع صينى)
على فكره فى فضائية فعلا صينية بالعربى والبقية تأتى
انا كمان فى الاول حاولت اضحك على نفسى واقول انه مصرى بس للأسف طلع مش كده (بس متصدمتش اوى يعنى )
واكيد هيجى يوم نفوق ونعمل حاجة
بس لازم نتفائل ان بكرة احسن عشان كده انا سميت المدونة بالاسم ده عشان كل ما يجيلى احباط افتكر انه لسةفى امل
مرحبا ياجماعة
كلكو مستغربين ليه يعني احنا العرب نصنع حاجة ؟ انا مش بتشائم ولا حاجة بس ده اللي احنا شايفين احنا في غزة عندنا كله made in china وعبري من اسرائيل اصلا الاكل بتاعنا وكل حاجة واذا صنعو حاجة من غزة مابيكونش ليها طعم زي الاسرائيلي وكده مش بغلط ع غزة لا كويس منها انها تعمل حاجة لبلدها بس عشانها احنا دولة محتلة مش ماخدين راحتنا في حاجة وماعندهاش حاجات كتير نصنع فيها عالعموم كونو متفائلين زي مابتقول منى ههههه سلامي لكم جميعا دعوووواتكم اسرااااااااااااااااااااااء كده حلو يامنى ؟؟ ههههه
وايه المشكلة يا اسراء يا اسراء لما العرب تصنع حاجة
واللله احنا دماغنا جامدة اوى ونقدر نعمل كل حاجة.
على فكرة
انا كنت فاكرة ان مفيش صناعات عندنا خالص بس لما رحت التدريب اتصدمت بجد
تخيلى لما نكون بجد بنصنع حاجات ومفيش حد يسمع عنها
ان شاء الله هبقى احكيلكوا على اللى شوفتوا فى الشركة
ايه يامنى هعصب كمان هنا انا ماقلتيش مانصنعش حاجة انا قلت الصناعة في غزة بتختلف عن اللي في اسرائيل لانه اسرائلي مسيطرة على حاجة عندنا تعالي وشوفي هنا انا قلت حاجة حلوة انه غزة تصنع اي حاجة ولينا الشرف في ده وفينكم ياجماعة ييلا شاركو معانا
يا بنتى انا فهماكى
انا كنت بتكلم عموما مش على غزة بس
بس اكيد كويس اوى ان فى صناعات ف غزة فى الظروف اللى هى فيها دى وان مفيش امكانيات خالص
انا كنت بتكلم لما يبقى فى الامكانيات دى والمنتج بيطلع فعلا بس عشان الحاجات الصينى وغيرها مالية السوق ورخيصة كله بيشتريها والمنتجات بتاعتنا بتبقى مرمية