المرة اللى فاتت لما موضوع الصين اتفتح كان كل كلامنا اننا مش بنعمل حاجة خالص وكل اعتمادنا على الصين
انا كنت فاكرة كده لحد ما روحت التدريب ودلوقتى هحكيلكوا الحكاية من اولها
البداية لما عرفت انى هتدرب فى الشركة دى كنت زعلانة اوى بالذات انى كل ما اقول لحد عليها يقولى انها بتخسر وشركة اى كلام
المهم رحت انا و2 من صحابى اول يوم( واحنا واخدة منها موقف وقلنا اهو تدريب وخلاص والسنة الجاية نشوف مكان احلى)لقيت الناس اللى هناك كويسين اوى وبيعاملونا كأننا بناتهم وكل ما حد يشوفنا يقولنا تشربوا شاى؟(واحنا طبعا مضيعناش الفرصة وبقينا نشرب معاهم ونفطر كمان)
اللى كان مزعلنى انهم كويسين اوى وتعاملهم مع بعض حلو اوى يعنى جو ينجح اى شركة قلت فيها ايه لو يحاولوا يفهموا شغلهم ويركزوا فيه اكيد الشركة هتبقى حاجة تانية
المفاجأة لما بدأوا يشرحولنا لقيت ان كلهم ما شاء الله عليهم فاهمين شغلهم وبيحبوه اوى
مش حد ولا 2 تقريبا كلهم مهندسين وكيميائين وعمال وده اللى جننى اكتر ازاى كل ده والشركة بتخسر وكان كل ما حد يتكلم يقولنا ان الشركة دلوقتى بتخسر وحالها بيتدهور ولما نسألهم ليه يقولولنا دى سياسة دولة!!
فى الاول مكنتش فاهمة الحكاية بعدين عرفت انه بعد اتفاقية الجات والحاجات الصينى والمستوردة عموما بقت مالية البلد بقى كله بيشترى الحاجات المستوردة ومش بياخد حاجة من الشركة وده طبعا خلاها تبدأ تخسر وبعد ما كانت من اكبر الشركات ف الشرق الاوسط دلوقتى موقفة معظم المكن اللى عندها
والمفروض انهم بيولدوا الكهرباء فى الشركة بدل ما يشتروا.. مفيش الكلام ده دلوقتى
وكانت اصعب حاجة بجد لما دخلنا المخزن وشوفنا حاجات قد ايه معمولة ومش عارفين يتصرفوا فيها مع ان جودتها كويسة
كان نفسنا بجد نقول شجع المنتج الوطنى .. بس هنقول لمين اذا كنا احنا السبب فى ده
والسؤال الى مضايقنى ان دى شركة المفرووض انها معروفة وبيحصل فيها كده امال الشركات اللى لسة جديدة ومفيش حد يعرف عنها حاجة حالها ازاى؟!
|
والله يامنى مش عارفة اقلك ايه بجد الدنيا موقفة عندنا نفسي نكون سواء في مصر ولا في فلسطين نصنع حاجة حلوة وتفيد اكيد في حاجات زي مابتقولي كويسة بس مافيش حد بيشغلها واصعب حاجة لما تلاقي سمعة شكرة مش كويسة وهيا بالاصل شركة حلووووووووة اوووي ربنا يهدي الجميع يارب تعرفي لو كل واحد عربي بيخاف عالتاني كان الدنيا بقت جنة بس لو كل واحد يكون جنب اخوه المسلم كانت الدنيا تطورت وبقت حاجة حلوة يارب نكون دايما ايد واحدة يااااارب ربنا كريم يارب يكرمنا بناس كويسة دايما وتحب الخير سلامو عليكم
يااااارب
لنا الله يامنى
كل سنه وانتى طيبه
وانت طيب
رمضان كريم
فينك يامنى وفين تدويناتك
كنت بعتلك مواقع للاكواد والحاجات دى
موجودة اهو
بس رمضان وقته بيبقى ضيق شوية
بالنسبة لموضوع الاكواد ده مش فاهمة فيه حاجة
مش عارفة بيتنسخ فين بالظبط
خلاص هبقى ابعتلك موقع للحاجات دى
كل سنه وانتى طيبه يامنى
ومبروك على القالب الجديد
وانت طيب يا حمدى
أحييكي
شكرا ليك
نورت المدونة
حاجة تزعل فعلا وخصوصا لو بالجودة اللى قولتى عليها فى الموضوع
لنا الله
اه والله يا بنوتة
بس انا قررت مش هسيبهم
هبقى اخد طلبيات منهم فى المصنع بتاعى ان شاء الله :D
موضوع مهم حقا منى .. انا مثلك تماما اندهش هذا .. لكن يغمرني الامل ان شاءالله بعد سقوط اللامبارك .. في الحقيقة الامل ليس في الحكومة القادمة بل الامل بنا نحن الشباب ..
خيرا ان شاءالله .. عسى يتحرك الشباب بجدية وتفاؤل حتى يصعدوا بمصر للحرية المنشودة والتقدم المرغوب ^_^